NOVA ACTIVIDADE: “Xeoparque do Cabo Ortegal, pisando o interior da Terra”

Profesor: Francisco Canosa Martínez, Investigador e doutor en xeoloxía pola Universidade de Oviedo. Especialista en xacementos minerais, mineraloxía e petroloxía do Noroeste da Península Ibérica.

Datas e horario de realización: martes 21 de xullo, de 10:30 h a 20:30 h, mércores 22 de xullo dende ás 8:30 ás 21:00 h e xoves 23 de xullo de 9:00 a 14:00 h, aproximadamente.

Contidos da actividade:

Este curso da AEPECT-Galicia ten por obxectivo principal coñecer un pouco mellor a xeoloxía dun dos lugares con maior interese xeolóxico do continente europeo. É que Cabo Ortegal posúe entre outros fitos xeolóxicos, o maior afloramento de ecloxitas do planeta, unha das máis completas unidades ofiolíticas do mundo, a única praia de area negra non volcánica presente na Terra. Todos estes lugares xunto con outros moitos poderán ser visitados nestas xornadas.

O martes 21, no Auditorio Municipal de Cedeira haberá unha serie de conferencias plenarias de distintos expertos como apoio e difusión da candidatura de Cabo Ortegal como xeoparque mundial da Unesco. Os relatores desta xornada co-organizada pola AEPECTGALICIA e o Concello de Cedeira, e abertas ao público en xeral, serán:

  • Augusto Pérez Alberti, catedrático de xeografía física.

  • José Ángel Sánchez, director científico do “Geoparque de Las Loras”.

  • João Alves, xeólogo no “Geoparque Terras de Cavaleiros”.

  • Francisco Canosa, doutor en xeoloxía.

  • Mesa redonda moderada por Belén Pérez Pérez, bióloga, docente e socia da AEPECT.

O mércores 22 e o xoves 23 pola mañá realizaranse diferentes saídas de campo para coñecer varios dos lugares con maior patrimonio xeolóxico do Cabo Ortegal, dirixidas por Francisco Canosa, e as que nos acompañarán os relatores convidados.

O xoves 23 pola tarde haberá para quen o desexe e se inscriba, dúas actividades opcionais:

  • Paseo xeolóxico guiado en barco polo litoral entre Cedeira e Cariño (sempre que as condicións marítimas e meteorolóxicas o permitan). No barco só haberá 24 prazas dispoñibles, en quendas de 12 persoas.

  • Visitas guiadas ao xacemento arqueolóxico de punta Sarridal e ao museo “Mares de Cedeira”.

Ámbalas dúas terán unha duración de 2 horas e 15 min aproximadamente, e mentres un grupo vai en barco o outro grupo fará a outra visita.

Programa:

Martes, 21 de Xullo

  • 10:30 — Presentación das xornadas

  • 11:00 — “Patrimonio xeomorfolóxico de Ferrolterra e Ortegal”. A cargo de Augusto Pérez Alberti

  • 12:00 — Descanso

  • 12:30 — “Geoparque Terra de Cavaleiros, diferenzas e similitudes con Cabo Ortegal”. A cargo de João Alves

  • 13:30 — Pausa para o xantar

  • 16:30 — “Como se gestiona un geoparque, el ejemplo de Las Loras”. A cargo de José Ángel Sánchez

  • 17:30 — “Xeoparque do Cabo Ortegal, pisando o interior da Terra”. A cargo de Francisco Canosa

  • 19:00 — Descanso

  • 19:30 — Mesa redonda

  • 20:30 — Peche da xornada. Despois recepción e entrega das chaves no hotel Herbeira en Cedeira

Mércores, 22 de Xullo

  • 08:00 — Almorzo

  • 08:40 — Saída en coches cara o concello de Ortigueira

  • 09:40 — Inicio das actividades en Espasante e despois Porto de Cariño, Punta dos Aguillóns e Macizo de Herbeira.

  • 14:00 — Xantar de pícnic e de seguido paradas en Chao do Monte, Punta Candieira e Porto de Cedeira.

  • 20:00 — Remate aproximado e regreso a Cedeira

  • 21:30 – Cea

Xoves, 23 de Xullo

  • 08:30 — Almorzo

  • 09:00 — Saída en coches cara o concello de Valdoviño

  • 09:20 — Inicio das actividades na praia de Pantín, Moeche e A Barqueira (Cerdido)

  • 14:00 — Conclusións e peche do curso. Xantar de pícnic en Cedeira para os inscritos nas actividades opcionais da tarde.

  • 16:30 — Primeira quenda das actividades opcionais (barco/arqueolóxica-museo)

  • 18:45 — Segunda quenda das actividades opcionais (barco/arqueolóxica-museo)

Máis información e ficha de preinscrición: Xeoparque do Cabo Ortegal_pisando o interior da Terra_galego

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s